終於一遊南生圍

趁放假，去了想去好耐的南生圍。
的確很美，加上周五少人，無敵小橋景點只有兩pair新人在影結婚相；四周環境幽靜，雖然雜草處處，但樹木的灰白卻寧舍有型。
雖然有d攰，但非常值得。

無線，我不是白痴呀！

一年一度台慶夜，細個時是很大件事，甚至會買定薯片汽水，一家人由頭睇到尾，每一節都覺得好好笑。
大陣仗出場巡遊，會特別留意自己喜愛的藝人在哪裡；然後龍隊和鳳隊會施展渾身解數，爭奪星煇大獎；評判團商議冠軍誰屬時，會由小生花旦，或星級紅人，或司儀，一起上演一齣鬧劇，係真係鬧劇，但又真係好好笑；然後會由當紅歌手，真係個個都有番咁上下級數的歌手，輪流唱歌，全部藝員上晒個台，一齊拍手跳舞，有一年張國榮仲拉埋被人話好似佢的郭晉安一齊唱......
這樣的台慶，好懷念。
近年，台慶一年比一年差，甚至明明在家，都不屑一看。
星期一，真係無野好做，睇晒。然後可以肯定，無線已經技窮，走到末路。
作為全台每年重點電視節目，居然一點新意都無。藝員出場又係咁；司儀多而亂；沒有競爭性的表演項目；跳舞照Dup，扮野照Dup，打鼓又係咁，最侮辱觀眾的是魔術，實在無法相信一個全港最大的電視台，會有這樣的表演；鬧劇，同某一年以山頂臘像館為題的鬧劇完全一樣，係完全一樣！
咁大個電視台，製作出一個完全無新意，無賣點的台慶節目。各位製作人，你們是當香港觀眾是白痴，你們在愚弄香港觀眾。
無線，請拿出你的良心出來，善待你的觀眾吧！
世事無有必然的，當愈來愈多藝人歌手夠膽不賣你帳，唔俾面你時；當發現全個台都無人孭到飛，要高層走在最前搞飯局時，你還在為區區二十數點收視而沾沾自喜嗎？
警鐘已經響起，請你醒醒吧！
最起碼，當番觀眾係人。
唔該晒。

九天長假之２

長假第二天。
飲茶。
入中大影相。
去灣仔買嘢。
去朋友家玩其仔女。
打機。Winning Eleven2008。
簡直無得頂。
I'm loving it.......

九天長假之0

雖然明天才是長假首日，但周五晚上，怎可浪費？
於是看了買左好耐未睇的《The Number 23》，好鍾意。
Jim Carrey一向好戲，尤其前作《無痛失戀》，個人認為是十大死前必看電影之一。
今次演患有妄想症的捉狗佬，因童年陰影殺人，忘記得一乾二淨後，如何逐步恢復記憶......
電影談的是宿命vs選擇。
由細到大都唔係好信宿命，就算信左主，都認為神俾自由我去選擇。
有時寧願無得揀，唔駛煩，亦無得怨。
選擇唔難，為自己選的負責任先難。

諗咁多做乜？不如諗下咁長個假點過仲好........

又變......

壓力是否真的等於動力？
我仍是一個很新鮮的編輯，我做得來嗎？
自信心在動搖。
這一刻，我是死撐的。
一個從來最怕變的人，走去做一版經常要變的「館」....好吃力。
但事到如今，無得退縮。
只好頂硬上。
衝...衝...衝...做咗先算。