生‧老‧病‧死，我知，是必經的。
但其中一項來到之時，你有勇氣接受嗎？
原來，我無。
八十一歲的祖母入住老人院，對一名無法自己照顧自己生活的老人家來說，應該是好事。但她開始有老人癡呆，記憶力正逐漸衰退，總有一日，會唔記得我和屋企人係邊個，很難受。
過了生日，又大一歲，這個年齡，開始要面對，祖母和外祖父入住老人院，多病痛，對他們來說，時間不是向前，而是正在倒數。爸爸媽媽身體開始差，就連行街也會腳痛，花十秒，全神貫注望著他們的臉，會發覺真係好老，風霜滿臉，開始害怕，原來自問天不怕地不怕的我，會接受唔到現實。
珍惜眼前人，是唯一可以做到的事。
老人院的大年初一會是怎樣的？......
4 comments:
九十四歲的外婆一向脾氣如牛, 見一個鬧一個, 越老越兇，沒人受得了她，兩年前她終於拒絕跟我們繼續同住, 入了老人院...到了老人院的她依然有火, 不是跟婆甲毆氣, 就是看婆乙不順眼。但見她行動仍然敏捷，我們從未為她憂心，因為打架她贏硬。上月，向來強捍的她入了她生平第一次醫院, 午夜來的電話就是恐怖在這裏。幸好總算平安無事，已轉回老人院，但就由本來代表健康足以照顧自己的二樓部轉移至屬於行動不便的地下老人部。連續兩星期都回去看她，往日的氣勢一下子消失的無影無縱，平時見她總要聽她罵這個罵那個, 近兩次都沒有了，換過來的是叫人更難過的人老不如去死論...
活到九十四歲, 阿婆的思路仍舊精晰得如二十多歲的年輕人，這樣的腦袋困到行走不便、周身唔舒服的身軀。有時我唔覺得老人痴呆是太差，特別當你九十四歲的時候
我呀，怕老呀，依然怕，無架，唯有早晚敷補濕mask囉！多做運動呀，戒生冷食物囉，唔係邊得來個朵叫......養生凡喎!
好多年前既仲係讀緊中學某一日，去醫院見阿爺最後一面，係，真係最後一面。去到，我話阿爺，係我呀，我黎探你呀。佢唔出聲，我再講，阿爺，係我呀。佢問，你係邊個...你係邊個？我再講，係我呀，係我呀。...你係邊個？我繼續重覆我可以講既唯一一句說話。跟住，我睇住佢d眼淚流出黎，不停咁流...你係邊個？
最後，佢記得少少，講左我個名，一次。你放心啦，我會俾心機讀書，考到大學架。
有時去到某d位置，會發覺自己可以做既，真係近乎零。
珍惜眼前人，好土，但你講得好好。
不過，簡單老土如此，試問又有幾多人做得到？
Ceci's mother is going to spend her chinese new year holidays in the hospital.
Post a Comment